ბელარუსის პარლამენტი არ აღიარებს საქართველოს ოკუპირებული რეგიონების დამოუკიდებლობას. ბელორუსი დეპუტატების წინაშე არასდროს მდგარა ამ საკითხის გადაჭრის ამოცანა. ამის შესახებ ბელარუსის ეროვნული კრების წარმომადგენელთა პალატის დსთ-სთან საერთაშორისო საქმეებისა და კავშირების კომისიის თავმჯდომარემ განაცხადა.

სერგეი მასკევიჩმა აღნიშნა, რომ ბელარუსიის პარლამენტი მხოლოდ და მხოლოდ შეისწავლიდა ამ საკითხს, როდესაც მისი დელეგაცია წინა წლის ბოლოს თბილისს, სოხუმსა და ცხინვალს ესტუმრა. მგზავრობის შედეგების მიხედვით არანაირი გადაწყვეტილება არ მიღებულა, სარეკომენდაციო ხასიათისაც კი. მასკევიჩმა თქვა, რომ ეროვნული კონსტიტუციის თანახმად ეს საკითხი მთლიანად იმყოფება ბელარუსის პრეზიდენტის კომპეტენციაში.