15 ადამიანი დაიღუპა, ხოლო 40-მდე დაშავდა ძლიერი აფეთქების შედეგად, რომელიც უმსხვილესი პაკისტანური ქალაქის კარაჩის ცენტრში 11 ნოემბერს საღამოს მოხდა. მანამდე ხუთი დაღუპული ადამიანის შესახებ იტყობინებოდნენ. ადგილობრივი პოლიციის მონაცემებით, ინციდენტი აშშ-ის საკონსულოს შენობის მახლობლად მოხდა. სხვა მონაცემების თანახმად, აფეთქება სისხლის სამართლის გამოძიების სამმართველოს ტერიტორიაზე გამოცოცხლებულ სავაჭრო ქუჩაზე გაისმა.

როგორც BBC News იუწყება, აფეთქების ადგილას სამი მეტრის რადიუსის ორმო გაჩნდა. ვარაუდობენ, რომ აფეთქდა დანაღმული ავტომანქანა. დაზიანდა ახლომდებარე ავტომანქანები, შემთხვევის ადგილიდან 2 კილომეტრის რადიუსში დაილეწა ფანჯრის მინები. ასევე დაინგრა აფეთქების ეპიცენტრის მახლობლად მდებარე შენობა.


ამჟამად ტერაქტის ადგილი კვამლის ბოლქვებში არის გახვეული, ხოლო რაიონი პოლიციითაა გარშემორტყმული. დაშავებულებს ქალაქის საავადმყოფოებში ათავსებენ.