ინჟინრებმა ისრაელიდან შეიმუშავეს სპეციალური მოწყობილობა, რომელიც საშუალებას აძლევს პარალიზებულ ადამიანებს იდგნენ, იარონ და მანქანა მართონ.

როგორც РИА «Новости» ასოშიეიტედ პრესზე მინიშნებით იტყობინება, მოწყობილობა მოსახსნელი კოსტიუმის პრინციპითაა შესრულებული და იგი ინვალიდის სავარძლის შემცვლელი გახდება. ასეთი კოსტიუმის მართვა სხეულის ზედა ნაწილის უმცირესი მოძრაობებით იქნება შესაძლებელი.

შემმუშავებელი კომპანიის საოპერაციო დირექტორის ორენ ტამარის თქმით, ახალი სარეაბილიტაციო მოწყობილობა ReWalk მუშაობის საჭირო რეჟიმში ღილაკზე დაჭერის გზით გადაიყვანს. მაგრამ მოწყობილობა არ გადაადგილდება, სანამ ადამიანი არ დახრის სხეულს წინ და არ გადადგამს ყავარჯნებს.

სარეაბილიტაციო კოსტიუმში ჩამონტაჟებულია მოძრაობის დატჩიკები, აკუმულატორული ბატარეები, ელექტროძრავები, რომლებიც ფეხებზე ზეგავლენას მინიმუმამდე დაიყვანენ.

შემმუშავებელთა სიტყვებით, კოსტიუმი გაყიდვაში უკვე 2011 წლისთვის გამოჩნდება. სარეაბილიტაციო მოწყობილობის ღირებულება არ დაზუსტებულა.