sms-სესხის მეშვეობით, მომხმარებელი შეძლებს სამომხმარებლო სესხის მიღებას ბანკში მიუსვლელად, ბანკომატის მეშვეობით. sms-სესხით სარგებლობისთვის მომხმარებელს არ დასჭირდება განაცხადის შევსება და სესხის თანხის გააქტიურებას პირდაპირ საკუთარ სახელფასო ბარათზე შეძლებს.


იმისთვის, რომ მომხმარებელმა ისარგებლოს sms-სესხით, მას უნდა მიუვიდეს "საქართველოს ბანკისგან" sms, რომელიც სპეციალურ კოდს შეიცავს. სესხით სარგებლობის სურვილის შემთხვევაში, მომხმარებელს შეუძლია "საქართველოს ბანკის" ნებისმიერი ბანკომატიდან sms-ში მითითებული კოდის გამოყენებით ჩარიცხოს სესხის თანხა საკუთარ პლასტიკურ ბარათზე.

აღნიშნული ოპერაციების განსახორციელებლად, "საქართველოს ბანკის" ყველა ბანკომატს ახალი დეტალები დაემატა. sms-სესხის გააქტიურება ხდება შემდეგნაირად: მას შემდეგ, რაც მომხმარებელს მიუვა მოკლე ტექსტური შეტყობინება "საქართველოს ბანკიდან", რომ მის სახელზე დამტკიცებულია სამომხმარებლო სესხი, სურვილის შემთხვევაში, მომხმარებელს 30 დღის განმავლობაში შეუძლია მიაკითხოს "საქართველოს ბანკის" ნებისმიერ ბანკომატს და ბანკომატის მენიუში აირჩიოს სესხის მიღება. ამის შემდეგ, ბანკომატის ეკრანზე გამოჩნდება სესხით სარგებლობის პირობები, მათ შორის სესხის ვადა და საპროცენტო განაკვეთი. მომხმარებელი ასევე შეძლებს აირჩიოს მისთვის სასურველი გადახდის თარიღი და სესხის თანხა დამტკიცებული ლიმიტის ფარგლებში.

სესხის გააუქტიურებისთვის, მომხმარებელმა ბანკომატში უნდა შეიყვანოს sms-ით მიღებული სესხის აქტივაციის ექვსნიშნა კოდი. ბანკომატში ოპერაციის დასრულების შემდეგ კი, მომხმარებელს დამატებით გაეგზავნება მოკლე ტექსტური შეტყობინება სესხის გააქტიურების, ყოველდღიური თარიღისა და ყოველთვიურად გადასახდელი თანხის მითითებით.

ამასთან სესხით სარგებლობა შეუძლია მომხმარებელს, რომელსაც ერიცხება ხელფასი "საქართველოს ბანკში" იმ შემთხვევაშიც კი, თუ მას აქვს მიმდინარე ვალდებულება და ხელფასი ყოფნის მიმდინარე და ახალი ვალდებულების მომსახურებისთვის.იმისთვის, რომ მომხმარებელმა მიიღოს sms-სესხი, აუცილებელია მისი აქტიური ტელეფონის ნომერი იყოს რეგისტრირებული "საქართველოს ბანკში".