ფრანგულმა კომპანია Danone-მ  თავისი ბუტილირებული წყლის წარმოების ბიზნესი შესაძლებელია იაპონურ Kirin Holdings Co-ს, Asahi Breweries Ltd.-ს ან Suntory Holdings Ltd.-ს მიჰყიდოს. Danone-ს ეკუთვნის ისეთი ბრენდები, როგორებიცაა Evian და Volvic. ანალიტიკოსთა თქმით, მოლაპარაკებები ადრეულ სტადიაზე იმყოფება და მათი შედეგი ჯერჯერობით ბუნდოვანია.

ასევე უცნობია ის, თუ კერძოდ როგორ გეგმავს Danone ბიზნესის გაყიდვას - მთლიანად თუ ნაწილ-ნაწილ, - იტყობინება სააგენტო Bloomberg. იაპონელთათვის მინერალური წყლის წარმოების გადაცემის შესაძლებლობა დაადასტურეს წყაროებმა, რომლებიც ახლოს არიან ფრანგულ მწარმოებელთან და იციან მოლაპარაკებათა მსვლელობის დეტალები.

წინასწარი შეფასებებით, აქტივთა გაყიდვა საშუალებას მისცემს Danone-ს, მიიღოს 5-დან 7 მლრდ დოლარამდე მოგება.

იაპონური კომპანიების წარმომადგებლები სიტუაციასთან დაკავშირებით კომენტარებს არ აკეთებენ. 2009 წელს ბუტილირებული წყლის წარმოებამ Danone-ს 15 მლრდ ევრო ან საერთო ამონაგების 17% მოუტანა. ქვედანაყოფის შესაძლო გაყიდვის შესახებ შეტყობინების შემდეგ პარიზის აუქციონზე კომპანიის აქციათა ფასი 3%-ით გაიზარდა.