„აგროგანვითარება“ სამცხე-ჯავახეთში მიწების მფლობელი ხდება. როგორც სოფლის მეურნეობის სამინისტროში აცხადებენ, კომპანიას პირდაპირი გაყიდვით გადაეცემა სასოფლო-სამეურნეო დანიშნულების მიწები წალკის რაიონის შემდეგ სოფლებში: ოზნი, კუში და ნარდავანი.

პრივატიზაციის პირობების თანახმად, კომპანიამ 1 აპრილამდე მიწების ღირებულება უნდა დაფაროს. ერთი ჰექტარისთვის „აგროგანვითარება“ 700 ლარამდე გადაიხდის, საერთო ჯამში - 145 142.13 ლარს.

გარდა ამისა, ხელშეკრულების ოფიციალური გაფორმების შემდეგ კომპანია ვალდებულია, სამი წლის განმავლობაში ამ მიწებზე აწარმოოს სასოფლო-სამეურნეო პროდუქცია და დააბანდოს მასში 300 ათას ლარის ოდენობის ინვესტიციები.