კომუნიკაციათა ეროვნულ მარეგულირებელ კომისიას უფლებამოსილებები გაუზარდეს. ამის თაობაზე შესწორებები შეტანილ იქნა ადმინისტრაციული სამართალდარღვევების კოდექსში, რომლებიც მომავალი კვირიდან ამოქმედდება.

აქამდე გადასახადების აკრეფის უფლება სასამართლოსაც ჰქონდა. ამიერიდან ეს უფლება მხოლოდ მარეგულირებელ კომისიას ექნება. ასევე, თუ საერთო გადასახახის ვადა არ უნდა ყოფილიყო ორ თვეზე მეტი, კომისიაში საქმის განხილვის შემთხვევაში ეს ვადა ოთხ თვემდე გაიზარდა.

შესწორებების თანახმად, კომისიას უფლება ექნება, განიხილოს და გადასახადები დააკისროს შემდეგი საქმეების მიხედვით: რადიოაღჭურვილობის მოწყობა და ექსპულატაცია სათანადო რეგისტრაციის ან ნაბართვის გარეშე; რადიოგადამცემი მოწყობილობების დამზადება და გამოყენება ნებართვის გარეშე; ულიცენზიო საქმიანობა მაუწყებლობის სფეროში და ა. შ.