9 მარტს ბარსელონას დიდ თეატრში „ლიცეუ“ფონდ „იავნანისა“ და ესპანური ფონდ „SOS“-ის ერთობლივი საქველმოქმედო აქცია გაიმართება.

როგორც „იავნანას“ მხატვრულმა ხელმძღვანელმა თეონა ჯორბენაძემ “IPN“-ს შეატყობინა, საღამო მონტსერატ კაბალიეს პატრონაჟით გაიმართება.

კონცერტში ცნობილი საოპერო მომღერლები მიიღებენ მონაწილეობას. კონცერტი ტელემარათონის ფორმით ჩატარდება. კონცერტისაგან მიღებული სახსრები დაიხარჯება ბავშვებზე, რომებიც აგვისტოს ომის შედეგად დაობოლოდნენ.

აქციაში მონაწილეობის მიღებას ქართველი მაყურბლებიც შეძლებენ. საღამო ტელეკომპანია „რუსთავი 2“-ის პირდაპირ ეთერში გავა.

კონცერტს დაესწრებიან ესპანეთის მთავრობის წევრები, სამეფო ოჯახის წარმომადგენლები და საქართველოს დელეგაცია.