საქართველოში საწვავის ღირებულება საცალო ქსელებში დღეს კიდევ 5 თეთრით გაიზარდა, იტყობინება “GHN“.

კომპანია „ლუკოილის“ ინფორმაციით, დღეიდან მათ სადგურებზე ყველა სახის საწვავის ღირებულება 5 თეთრით გაიზარდა. Euro Diesel – 2.25 ლარი, Euro Premium – 2.13 ლარი, Euro Regular – 2.05 ლარი, Euro Super – 2.25 ლარი, Premium Avantguard – 2.20 ლარი.

საწვავის ღირებულება 5 თეთრით გაიზარდა ასევე კომპანია „ვისოლშიც“, სადაც „აპი სუპერი“ ღირს 2.25 ლარი, „აპი პრემიუმი“ – 2.20 ლარი, „ევრო რეგულარი“ – 2.10, „აპი დიზელი“ – 2.30, „დიზელი ენერჯისი“ – 2.15 ლარი, „რეგულარ ენერჯი“ – 2.05 ლარი.

შეგახსენებთ, რომ ნიუ-იორკის ბირჟაზე WTIტიპის საწვავის ღირებულება 0.6%-ით გაიზარდა და შეადგინა 97.88 დოლარი ერთ ბარელზე. ლონდონის ბირჟაზე Brentტიპის საწვავის ღირებულება 0.78%-ით გაიზარდა და შეადგინა 112.14 დოლარი ერთ ბარელზე.