2 მარტს თბილისში, ევროპის სახლში, გაიმართება სოციალური მედიის პირველი ქართული სახელმძღვანელოს პრეზენტაცია. სახელმძღვანელო განკუთვნილია ნებისმიერი ასაკისა და პროფესიის ადამიანებისათვის, რომლებიც დაინტერესებულნი არიან „Facebook“-ით, „Blog”-ით, „Youtube”-ითა და სოციალური მედიის სხვა ინსტრუმენტებით, მათთვის, ვისაც თავისი ინტერნეტ-რესურსის საშუალებით მთელ მსოფლიოსთან სურს საუბარი.

წიგნის ყოველ ნაწილს თან ახლავს პრაქტიკული სამუშაოები, რომლებიც მკითხველებს საკუთარი ინტერნეტ-რესურსის შექმნასა და მის მართვაში დაეხმარება.

პრეზენტაციის შემდეგ, წიგნის ავტორი სანდრო ასათიანი ღია ლექციას გამართავს, რომლის მსვლელობაშიც შემდეგი საკითხები იქნება განხილული: ტრადიციული და სოციალური მედია; როგორც ცვლის სოციალური მედია ტრადიციულ მედიას; სოციალური მედია მსოფლიოს სხვადასხვა კუთხეში; სოციალური მედიის გამოყენების მაგალითები; მსოფლიო სოციალური ქსელი - ისტორიული პარალელები და „პატარა სამყაროს“ თეორია.