2011 წლის იანვარში საქართველოს საგარეო სავაჭრო ბრუნვამ (არაორგანიზებული ვაჭრობის გათვალისწინების გარეშე) 584 მლნ აშშ დოლარი შეადგინა, რაც 52%-ით აღემატება წინა წლის ანალოგიური პერიოდის მაჩვენებელს.

საქართველოს ეროვნული სამსახურის ინფორმაციით, აქედან ექსპორტზე მოდის 148 მლნ აშშ დოლარი, ანუ წინა მაჩვენებელზე 39%-ით მეტი, ხოლო იმპორტზე - 436 მლნ დოლარი, ანუ 57%-ით მეტი.

საქართველოს უარყოფითმა სავაჭრო ბალანსმა იანვარში 288 მლნ აშშ დოლარს მიაღწია, რაც წინა წლის ანალოგიურ მონაცემებს 68%-ით აღემატება. 2011 წლის იანვარში საქართველოს მთელ საგარეო სავაჭრო ბრუნვაში ათი უმსხვილესი სავაჭრო პარტნიორის წილმა 65% შეადგინა. უმსხვილეს სავაჭრო პარტნიორთა შორის იმყოფება თურქეთი (96 მლნ აშშ დოლარი), უკრაინა (60 მლნ აშშ დოლარი) და აზერბაიჯანი (51 მლნ აშშ დოლარი).