ეროვნული უმცირესობები ყოველთვის უჭერდნენ და უჭერენ მხარს ეროვნული დემოკრატიული საქართველოს შექმნას, თქვა საქართველოს პრეზიდენტმა მიხეილ სააკაშვილმა ოკუპაციის მუზეუმში კადეტთა კორპუსის წარმომადგენლებთან შეხვედრაზე, იტყობინება “GHN“.

„გადავხედოთ საქართველოს დამოუკიდებლობის აქტის ხელმომწერთა სიას და ჩვენ დავინახავთ ეთნიკურ პოლონელებს, სომხებს, რუსებს, გერმანელებს, უკრაინელებსა და სხვა ერებს. მათი რიცხვი შთამბეჭდავია. საქართველოში მცხოვრები ეთნიკური უმცირესობები მხარს უჭერდნენ და უჭერენ ჩვენს ქვეყანაში ევროპული დემოკრატიის შექმნას“, - თქვა სააკაშვილმა.

შეგახსენებთ, რომ გუშინ, 25 თებერვალს, საქართველოში საბჭოთა ოკუპაციის დღიდან 90-ე წლისთავს აღნიშნავედნენ. ოკუპაციის მუზეუმში ასევე იმყოფებოდნენ საქართველოს თავდაცვის მინისტრი, საქართველოს მთავრობის პირველი მეთაურის ნოე ჟორდანიას შთამომავლები და იუნკერთა ოჯახების წევრები.