საქართველოში აშშ-ის ელჩმა ჯონ ბასმა წარმოადგინა მართლმსაჯულების რეფორმის ხელშეწყობის ახალი პროგრამა „მართლმსაჯულების დამოუკიდებლობა და სამართლებრივი გაძლიერება“.

პროგრამა აშშ-ის მთავრობის მიერაა დაფინანსებული. მისი მიზანია სასამართლოს დამოუკიდებლობის დონის გაზრდა, მართლმსაჯულების გაძლიერება, სამართლებრივი პრაქტიკის გაუმჯობესება და იურიდიული განათლების დონის ამაღლება. პროექტი 4-წლიანია და მისი ბიუჯეტი 19.3 მლნ დოლარს შეადგენს.

„მიუხედავად იმისა, რომ 2011 წლისთვის სასამართლოს მიმართ ნდობა გაიზარდა, სისტემა უნდა გახდეს კიდევ უფრო დამოუკიდებელი და ეფექტური და ამაში მოცემული პროექტი დაგვეხმარება“, - აღნიშნა ელჩმა პრეზენტაციაზე.