უკრაინული მხარე მიესალმება საქართველოსა და უკრაინას შორის პოლიტიკური და ეკონომიკური ურთიერთობის განვითარებას და მათი კიდევ უფრო გაღრმავების მზადყოფნას გამოთქვამს. მოცემული განცხადება გაკეთდა საქართველოს ვიცე-პრემიერის გიორგი ბარამაძის შეხვედრაზე უკრაინის პარლამენტის ვიცე-სპიკერთან ადამ მარტინიუკთან, ევროპული საქმეების კომიტეტის თავმჯდომარესთან ბორის ტარასიუკოვთან და საერთაშორისო ურთიერთობათა კომიტეტის თავმჯდომარის მოადგილესთან ტარას ჩერნოვილთან.

როგორც ვიცე-პრემიერის აპარატში იტყობინებიან, შეხვედრაზე ბარამიძემ აღნიშნა, რომ საქართველოს მიზანია სტაბილურობის უზრუნველყოფა ქვეყნის მთელ ტერიტორიაზე, მოსახლეობის მშვიდობა და კეთილდღეობა, წარმატებული რეფორმების გაგრძელება და მეზობლებთან თანაბარი და ღირსეული ურთიერთობების განვითარება. მან ასევე აღნიშნა, რომ აუცილებელია საქართველოს ევროატლანტიკურ სტრუქტურებში ინტეგრაციის თაობაზე ევროკავშირთან მოლაპარაკებების დაჩქარება.