საერთაშორისო სარეიტინგო სააგენტო Fitch-მა 21 თებერვალს ლიბიის საკრედიტო რეიტინგი „BBB+”-დან „BBB“-მდე შეამცირა. როგორც Bloomberg იტყობინება, რეიტინგი შემცირდა მასობრივი მანიფესტაციების გამო, რომლებმაც თებერვლის შუა რიცხვებში ქვეყანა მოიცვა. Fitch-ში არ გამორიცხავენ, რომ უახლოეს მომავალში შესაძლოა კვლავ შეამცირებენ ქვეყნის რეიტინგს.

თუ ლიბიის რეიტინგი კიდევ ერთი საფეხურით შემცირდება, იგი საინვესტიციოზე უფრო დაბლა აღმოჩნდება. ეს ნიშნავს, რომ ქვეყნის ეკონომიკაში დაბანდების რისკები Fitch-ის მიერ შეფასდება, როგორც საკმაოდ მაღალი.

ლიბია, მეტწილად, სანავთობო სექტორზეა დამოკიდებული: იგი უზრუნველყოფს მშპ-ის დაახლოებით მეოთხედს, ექსპორტის 95%-ს და ბიუჯეტის 80%-ს. ნავთობის მაღალი მარაგებისა და შედარებით მცირე მოსახლეობის გამო ლიბია აფრიკის ერთ-ერთ უმდიდრეს ქვეყნადაა მიჩნეული. ამ ქვეყანაში მუშაობს დიდი რაოდენობა საზღვარგარეთული კომპანიებისა, განსაკუთრებით იტალიიდან.

სწორედ ამიტომ ლიბიაში უწესრიგობები ეგრევე აისახა იტალიის საფონდო ინდექსებზე. ასე, 21 თებერვალს მილანის Borsa Italiana-ს ძირითადი ინდექსი 3-ზე მეტი პროცენტით დაეცა.

21 თებერვლისათვის ლიბიის მანიფესტანტებმა, რომლებიც მუამარ კადაფის გადადგომას ითხოვებ, რამდენიმე ქალაქი დაიკავეს, ასევე ქვეყნის დედაქალაქის - ტრიპოლის აეროპორტი. ადამიანის უფლებათა საერთაშორისო ფედერაციის შეფასებით, ლიბიაში უწესრიგობების შედეგად უკვე 300-400 ადამიანი დაიღუპა. მათი რიცხვი შეიძლება გაიზარდოს, რადგან მთავრობა მანიფესტანტებისათვის წინააღმდეგობის გაწევას აპირებს, მათ შორის იარაღის გამოყენებითაც.