აჭარის სასტუმროებისათვის ვარსკვლავების მინიჭების პროცესის კონტროლი კანონმდებლურად დადგინდება. ეს გათვალისწინებულია აჭარის უზენაესი საბჭოს საკანონმდებლო ინიციატივით, რომელიც 21 თებერვლის ბიუროს სხდომაზე დარეგისტრირდა.

ამჟამად „ვარსკვლავების“ რაოდენობას თავად სასტუმროთა ადმინისტრაციები განსაზღვრავენ, თუმცა აჭარის საკანონმდებლო ორგანოში შიშობენ, რომ მათ შეიძლება არ დააკმაყოფილონ საერთაშორისო სტანდარტები.

ამისათვის იგეგმება ერთიანი მექანიზმის შემუშავება, რომელიც დაადგენს, რამდენად შეესაბამება სასტუმროსათვის მინიჭებული „ვარსკვლავების“ რაოდენობა სტანდარტებს, რამდენად ადექვატურია მომსახურება, კვება და ა. შ.

კანონპროექტის განხილვას დეპუტატები მომავალი კვირიდან შეუდგებიან.