პრეზიდენტ მიხეილ სააკაშვილის ინიციატივით, სოფლის მეურნეობის განვითარებას ბიუჯეტიდან დამატებით 150 მლნ ლარი გამოეყოფა.

როგორც 22 თებერვლის ტრადიციულ ბრიფინგზე საქართველოს მეთაურის პრეს-სპიკერმა მანანა მანჯგალაძემ განაცხადა, მოცემული თანხა რამდენიმე მიმართულებით გადანაწილდება; მათ შორისაა ლოგისტიკის ცენტრებისა და გამართული მეურნეობების შექმნა.

„პრეზიდენტს მიაჩნია, რომ სოფლის მეურნეობის სფეროს ხელშესაწყობად უნდა გაკეთდეს ყველაფერი, რათა ფასების ზრდით გამოწვეული პრობლემები მინიმუმამდე იქნას დაყვანილი“, - აღნიშნა მანჯგალაძემ.