საქართველოს პრეზიდენტმა მიხეილ სააკაშვილმა მნიშვნელოვნად დაასახელა ეროვნული უსაფრთხოების ახალი კონცეფციის შექმნასთან დაკავშირებით დაწყებული განხილვა. სახელმწიფოს მეთაურის პოზიცია 22 თებერვლის ბრიფინგზე მისმა პრეს-სპიკერმა მანანა მანჯგალაძემ გააჟღერა.

„ეს ძალიან მნიშვნელოვანი დოკუმენტია, რომელზეც სხვადასხვა პოლიტიკური პარტიები მუშაობენ და მუშაობის დასრულების შემდეგ ძალიან მნიშვნელოვანი დოკუმენტი შეიქმნება“, - აღნიშნა მან.

ეროვნული უსაფრთხოების ახალი კონცეფციის მიღებასთან დაკავშირებით პარლამენტში განხილვები გასულ კვირას დაიწყო.

კონცეფციის განახლება დღის წესრიგში ჩადგა მას მერე, რაც რუსეთის მხრიდან საქართველოს ტერიტორიების ოკუპაცია განხორციელდა და ქვეყანა ახალი საფრთხეების წინაშე აღმოჩნდა.