ბოლო დღეების ინტენსიური თოვლიანობის გამო თიანეთის რაიონში რამდენიმე სოფელი გარე სამყაროს მოწყვეტილი აღმოჩნდა. თიანეთი-ჟინვალის მონაკვეთზე გზის გაწმენდის მიზნით სპეციალური ტექნიკაა მობილიზებული. აქ თოვლის საფარის სიმაღლე ერთ მეტრს აღწევს.

თოვლით ბლოკირებულია ასევე გზები დუშეთის რაიონის ორ სოფელთან: უკანა ფშავთან და ჭონქაძესთან. როგორც კავკაზ-პრესს მცხეთა-მთიანეთის რაიონის ადმინისტრაციაში შეატყობინეს, ზოგიერთ სოფელში მაღალი გამავლობის მანქანებითაც კი შეუძლებელია მისვლა.

ორივე რაიონში სამაშველო სამსახურები და ტექნიკაა მობილიზებული.