თებერვლის დასაწყისში თელ-ავივში ტურიზმის საერთაშორისო გამოფენა ტარდებოდა. გამოფენაზე აჭარის ავტონომიური რესპუბლიკის სტენდიც იყო დაყენებული.

როგორც აჭარის ტურიზმის დეპარტამენტის თავმჯდომარის მოადგილე ვაჟა დიასამიძე აცხადებს, გამოფენამ წარმატებით ჩაიარა და მიღწეულ იქნა კონკრეტული შედეგები.

„ტურიზმის დეპარტამენტმა ისრაელის ერთ-ერთ მსხვილ ტურისტულ სააგენტო „ეშეტ ტურთან“ მემორანდუმი გააფორმა, აპრილიდან ჩვენ ისრაელში ერთობლივ სარეკლამო კომპანიას ვიწყებთ, ხოლო ივნისიდან სექტემბრის ჩათვლით კომპანია თელ-ავივი-ბათუმის ჩარტერული რეისების განხორციელებას იწყებს“, - განაცხადა დიასამიძემ.