დღეს ათმა უცხოურმა ავიაკომპანიამ, მათ შორის „ერ ფრანსმა“, „იბერიამ“ და „ბრითიშ ეარვეიზმა“ გააუქმა რეისები კაიროში და კაიროდან ბილეთებზე არასაკმარისი მოთხოვნის გამო. ამის შესახებ სააგენტო რეიტერმა განაცხადა.

ოპოზიციის არაშორეული მასობრივი მანიფესტაციების გამო მრავალმა ქვეყანამ თავისი მოქალაქეებისათვის გამოაქვეყნა გაფრთხილებები, რომლებიც ეგვიპტის მონახულებაზე თავის შეკავებას ითვალისწინებს. ამას გარდა, სულ მალე მრავალათასიანი დემონსტრაციები და არეულობები, რომლებმაც დიდი დარტყმა მიაყენეს ეგვიპტის ტურისტულ ინდუსტრიას, შეიცვალა არანაკლებ მსხვილი გაფიცვებით მთელი ქვეყნის მასშტაბით.

მიმდინარე კვირის განმავლობაში გაიფიცნენ კაიროს საერთაშორისო აეროპორტის სახმელეთო სამსახურები: ტექპერსონალი და მებაჟეები ხელფასის გაზრდას ითხოვდნენ. ამ მომენტისათვის გაფიცვა დასრულდა, თუმცა მენეჯმენტს ჯერ კიდევ არ მიუღია გადაწყვეტილება მათი მოთხოვნების დაკმაყოფილების თაობაზე. გაიფიცა ასევე ეროვნული ავიაგადამზიდი „იჯიპტ ეირი“.