პარასკევს საქართველოს პრეზიდენტმა მიხეილ სააკაშვილმა სოფლის მეურნეობის მინისტრთან ბაკურ კვეზერელთან ერთად მოინახულა თბილისის მარცვლეულის გადამამუშავებელი კომბინატი და გაეცნო ქვეყანაში არსებული ფქვილის მარაგს, გადასცემენ ქართული ტელეკომპანიები.

„საქართველოში ჯერ არ არის ხორბლის დეფიციტის წარმოშობის რისკი. ახალი მოსავლის აღებამდე ქვეყანაში ამ მიმართულებით უსაფრთხოებაა უზრუნველყოფილი“, - განუცხადა პრეზიდენტს კვეზერელმა, რომელსაც აციტირებს სააგენტო „ახალი ამბები - საქართველო“, იუწყება УКРИНФОРМ.

მინისტრის თქმით, ასეთი საშიშროება 2010 წლის შემოდგომაზე არსებობდა, მაგრამ დღეს მარაგები შევსებულია და, შესაბამისად, პურის გაძვირების საფუძვლები არ არსებობს.

მინისტრმა აღნიშნა, რომ უკვე იწყება ფოთის პორტში (დასავლეთ საქართველო) 5 ათასი ტონა მარცვლეულის განტვირთვა. ამას გარდა, მოსალოდნელია 22 ათასი ტონა უკრაინიდან და 5 ათას ტონა ყაზახეთიდან.