საქართველოს პრეზიდენტმა მიხეილ სააკაშვილმა, სოფლის მეურნეობის მინისტრთან ბაკურ კვეზერელთან ერთად 18 თებერვალს მეფრინველეობის კომპანია „კოდა“ მოინახულა. სახელმწიფოს მეთაური საწარმოს პროდუქციის გაყიდვებით დაინტერესდა.

როგორც სოფლის მეურნეობის მინისტრმა განმარტა, მანამ, სანამ აღნიშნული საწარმო გაიხსნებოდა, ქათმის პროდუქციის 100% სომხეთიდან იმპორტირდებოდა, დღეს კი „კოდა“ სრულად იკავებს მთელ ქართულ ბაზარს.

„ეს ნიშნავს, რომ ამა თუ იმ სფეროში ინვესტიციების ჩადებისას მოცემულ სფეროს ქვეყნისათვის პროდუქტიული უსაფრთხოების მოტანა შეუძლია“, - აღნიშნა მიხეილ სააკაშვილმა.

იგი ასევე დაინტერესდა, გადის თუ არა „კოდას“ პროდუქცია ექსპორტზე და, როგორც მას საწარმოს ხელმძღვანელებმა უპასუხეს, პროდუქციის 15% ერაყში ექსპორტირდება.