სავაჭრო სფერო მიკრო-ბიზნესის სტატუსის მიღებას ვერ შეძლებს. ასეთი შესწორებები იმ პირთა ჩამონათვალში შედის, რომელთათვისაც შესაძლებელია მიკრო და მცირე ბიზნესის სტატუსის მინიჭება.

კერძოდ, 2010 წლის 29 დეკემბრის საქართველოს მთავრობის #415 დადგენილებას, რომელშიც განსაზღვრულია მიკრო და მცირე ბიზნესისათვის აკრძალული საქმიანობა,  დაემატება პუნქტი ვაჭრობის შესახებ.

დადგენილების პროექტი ფინანსურ-საბიუჯეტო კომიტეტის სხდომაზე ფინანსთა მინისტრის მოადგილემ რუსუდან კემულარიამ წარადგინა.

წარდგენილი პროექტით, იმ საქმიანობის ჩამონათვალს, რომლის წარმოების შემთხვევაშიც ფიზიკური პირისათვის მინიჭებული არ იქნება მიკრო-ბიზნესის სტატუსი, დაემატება პუნქტი ვაჭრობის შესახებ. იმ შემთხვევაში, თუ პირი სავაჭრო საქმიანობითაა დაკავებული, იგი მიკრო-ბიზნესის სტატუსს არ მიიღებს.

შეგახსენებთ, რომ ნებისმიერ ფიზიკურ პირს, რომელიც აწარმოებს ეკონომიკურ საქმიანობას და არ იყენებს დაქირავებული მუშების მომსახურებას და რომელთა წლიური შემოსავალი არ აჭარბებს 30 ათას ლარს, შეუძლია მიმართოს საგადასახადო სამსახურს და მიკრო-ბიზნესის სტატუსი მიიღოს, რის შედეგადაც მის მიერ მიღებული შემოსავალი გადასახადით არ დაიბეგრება.