საქართველოში ყალბი დიპლომების დამზადებისა და ქრთამის აღებისათვის ივანე ჯავახიშვილის სახელობის თბილისის სახელმწიფო უნივერსიტეტის თანამშრომელი და მისი თანამზრახველები დააკავეს.

კერძოდ სპეციალური ოპერატიული დეპარტამენტის თანამშრომლებმა დააკავეს ფილოლოგიური ფაკულტეტის ბიბლიოთეკის სპეციალისტი ლამარა ასლამაზიშვილი (დ. 1954) , რომელმაც, გამოძიების ინფორმაციით, 10 ათასი დოლარის სანაცვლოდ თსუ-ის ორი ყალბი დიპლომი დაამზადა.

ასევე დაკავებულნი არიან დემურ დარსალია (დ. 1945) და ავთანდილ ჯინჩველაშვილი (დ. 1955).

მიმდინარეობს გამოძიება საქართველოს სამოქალაქო კოდექსის 362-ე სტატიით, რაც 3 წლამდე ვადით თავისუფლების აღკვეთას ითვალისწინებს.