ბათუმში გრძელდება სამშენებლო-სარეკონსტრუქციო სამუშაოები. ძველ ბათუმთან ერთად, ინფრასტრუქტურა რეაბილიტირებული იქნება ქალაქის ცენტრალურ რაიონშიც. ქალაქის მერიის ინფორმაციით, ბათუმში დაწყებული სამშენებლო ბუმი ქალაქის ახალ სტილს შექმნის.

მერიაში განმარტავენ, რომ დეველოპერთა და მშენებელთა მისამართით მოთხოვნები იგივე რჩება: ძველ ბათუმში კლასიკური სტილი უნდა შენარჩუნდეს, ხოლო განვითარებად რაიონებში არქიტექტორებმა უპირატესობა უნდა მიანიჭონ მსუბუქ კონსტრუქციებსა და შუშის შენობებს.

„ძველ ბათუმთან ერთად, რეაბილიტირებული იქნება ცენტრალური რაიონიც: ბარათაშვილის, ჭავჭავაძის, გორგილაძისა და მელიქიშვილის ქუჩები“, - აცხადებენ მერიაში.

რაც შეეხება გზებს ჭავჭავაძესა და პუშკინს შორის, შესაძლოა ისინი გადაიქცეს სპეციალურ სავაჭრო რაიონად, სადაც შეიზღუდება ტრანსპორტის მოძრაობა.