ცნობილი ქართველი ჯაზ-მუსიკოსის თამას ყურაშვილის ვარსკვლავი 19 თებერვალს თბილისის ფილარმონიის დიდი საკონცერტო დარბაზის წინ გაიხსნება, იტყობინებიან კულტურისა და ძეგლთა დაცვის სამინისტროს პრეს-სამსახურში.

ვარსკვლავის გახსნა ჯაზმენის კონცერტის შემდეგ გაიმართება, რომელიც სამი სეტით შესვენების გარეშე ჩატარდება. „ეს საქართველოში პირველი ვარსკვლავი გახდება, რომელიც ჯაზ-მუსიკის წარმომადგენელს მიეძღვნება“, - ნათქვამია შეტყობინებაში.

კონტრაბასისტ თამას ყურაშვილს მონაწილეობა აქვს მიღებულ მრავალ ფესტივალში მსოფლიოს სხვადასხვა ქვეყნებში: პოლონეთში, ბულგარეთში, იუგოსლავიაში, ჩეხეთში. იგი არა ერთი ჯაზ-ფესტივალის ლაურეატია.

ვირტუოზი ქართველი შემსრულებელი 1987 წლიდან მრავალი წლის განმავლობაში აშშ-ში ისეთი ცნობილ შემსრულებლებთან მუშაობდა, როგორებიცაა ჯონ ბერტი და სტივ ჯორდანი, ასევე მონაწილეობდა კონცერტებსა და ჯაზურ საღამოებში.

ღონისძიება საქართველოს კულტურისა და ძეგლთა დაცვის სამინისტროს მხარდაჭერით ტარდება.