საქართველოს პარლამენტის ვიცე-სპიკერი გიგი წერეთელი საქართველოს იაპონიის ელჩს მასაეში კამახარას შეხვდა. საუბარი შეეხო ურთიერთობას ორ ქვეყანას შორის, იმ პროგრამებს, რომლებსაც იაპონიის საელჩო საქართველოში ახორციელებს. ვიცე-სპიკერმა მადლობა გადაუხადა ელჩს მისი აქტიური საქმიანობისათვის ორმხრივი ურთიერთობის გაღრმავების თვალსაზრისით, ასევე სოციალურ სფეროში, სოფლის მეურნეობასა და სხვა დარგებში განხორციელებული პროექტებისათვის.

თავის მხრივ, მასაეში კამახარამ აღნიშნა, რომ საელჩო კვლავ გააგრძელებს სოციალური და ეკონომიკური პროექტების აქტიურ მხარდაჭერას. ხაზი გაესვა მათ ინტერესს სოფლის მეურნეობის მიმართ და პარლამენტში პრეზიდენტის გამოსვლას, სადაც განსაკუთრებული ყურადღება მიექცა მოცემულ სფეროში ახალ ინვესტიციებს. მათი ინტერესების სფეროს ასევე წარმოადგენს ჯანდაცვა, რომელიც აქტიურად ვითარდება საქართველოში. აღინიშნა, რომ ამ მიმართულებით შესაძლებელია საელჩოსა და იაპონიის რესურსების გამოყენება.

ამას გარდა, განხილულ იქნა მიმდინარე პოლიტიკური მოვლენებიც. შეხვედრის დასასრულ აღინიშნა ორ ქვეყანას შორის საპარლამენტო და სამთავრობო ურთიერთობების მეტი გაღრმავების საჭიროება.