ილიას სახელმწიფო უნივერსიტეტში საერთაშორისო განათლების ამერიკულმა საბჭოებმა აშშ-ის სახელმწიფო დეპარტამენტის საკანონმდებლო პრაქტიკის პროგრამის პრეზენტაცია მოაწყეს. მას უნივერსიტეტის სტუდენტები და სხვა დაინტერესებული პირები ესწრებოდნენ.

როგორც კავკაზ-პრესს ილიას უნივერსიტეტში შეატყობინეს, პროგრამა ითვალისწინებს აშშ-ში 3-დღიან ინტენსიურ კურსებს და 4-კვირიან სტაჟირებას შტატის საკანონმდებლო ორგანოებსა და ქალაქის თვითმმართველობის ადგილობრივ ორგანოებში. მოცემული პროგრამის პრეზენტაციები სხვა უნივერსიტეტებსა და რეგიონებშიც გაიმართება.

2011 წლის შემოდგომის პროგრამისთვის 8 ქართველი ფინალისტი აირჩევა.

პროგრამის მიზანია სტუდენტებისათვის დახმარების გაწევა მათი ცოდნის გაღრმავებაში ამერიკულ საკანონმდებლო სისტემაზე, ურთიერთობის გამყარება ამერიკულ და საერთაშორისო ორგანიზაციებთან, ერთობლივი ძალებით საერთო პრობლემების მიხედვით პრაქტიკული გადაწყვეტილებების შემუშავება.