ქართველი სპეციალისტები კულტურული მემკვიდრეობის დაცვის დარგში ტაო-კლარჯეთში გაემგზავრნენ, საქართველოს სიძველეთა ძეგლების დათვალიერებისა და  მათ გადარჩენასთან დაკავშირებული სამუშაოების განსაზღვრის მიზნით.

სპეციალისტები გაეცნობიან ძეგლთა მდგომარეობას იშხანსა და ოშკში და არსებულ საფრთხეებს შეაფასებენ.

„ჩვენი ექსპედიციის მიზანია ადგილზე იმ ძეგლების გაცნობა, რომელთა რეაბილიტაცია უახლოეს მომავალშია დაგეგმილი. ეს საუკუნის პროექტი იქნება და ჩვენ ვიმედოვნებთ, რომ მალე სარესტავრაციო სამუშაოები დაიწყება“, - უთხრა ჟურნალისტებს კულტურული მემკვიდრეობის დაცვის ეროვნული ცენტრის ექსპერტმა პაატა გაფრინდაშვილმა.