საინგილოში მე-19 საუკუნის წმინდა ნინოს სახელობის ეკლესია აღადგინეს, რომელიც წლების განმავლობაში მოსახლეობისათვის მხოლოდ საყოფაცხოვრებო დანიშნულებას ასრულებდა. ტაძარს ძირითადად იყენებდნენ როგორც საკუჭნაოსა და საცავს სასუქისა და ნედლეულისათვის.

ნოემბერში რესტავრირებულ იქნა ეკლესიის შიდა ინტერიერი, შემდეგ კი გარემონტდა ფასადი და შემოსასვლელი გზები. სამუშაოებში აქტიურად იყო ჩართული ადგილობრივი მოსახლეობა.

ეკლესიას არა ჰყავს წინამძღვარი და არ სრულდება წირვა, თუმცა ადგილობრივი მაცხოვრებლები იმედოვნებენ, რომ ეს პრობლემაც გადაიჭრება.