პროგრამის „ასწავლე და ისწავლე საქართველოსთან ერთად“ ფარგლებში უცხოელ მოხალისე პედაგოგთა ჩამოსვლა გრძელდება. ამჯერად საქართველოში ჩამოვიდა კვალიფიცირებულ მასწავლებელთა მესამე ჯგუფი ამერიკიდან, ინგლისიდან, ავსტრალიიდან, კანადიდან და ნორვეგიიდან.

ინგლისურენოვანი პედაგოგები ტრადიციულ ტრენინგს გაივლიან და კახეთისა და რუსთავის სკოლებს შორის გადანაწილდებიან. მოსამზადებელი პერიოდის შემდეგ პედაგოგები, ადგილობრივ მასწავლებლებთან ერთად, სასწავლო პროცესში ჩაერთვებიან.