2011 წლის 31 იანვრის მონაცემებით, საქართველოს საგარეო სახელმწიფო ვალი 4 004 460 000 დოლარს შეადგენს.

2010 წლის ბოლოსათვის საგარეო ვალი 3 936 882 000 დოლარი გახლდათ. თვის განმავლობაში იგი 67 578 000 დოლარით გაიზარდა. საგარეო ვალის მაჩვენებელი 2010 წლის ანალოგიურ პერიოდთან შედარებითაც გაიზარდა.

2010 წლის 31 იანვრის მდგომარეობით, საგარეო ვალი 3 428 068 000 დოლარს შეადგენდა. ფინასნთა სამინისტროს ინფორმაციით, ვალის საერთო მოცულობიდან მრავალმხრივი კრედიტორებისადმი დავალიანება 2 911 680 000 დოლარს შეადგენს, ხოლო ორმხრივი კრედიტორებისადმი - 589 566 000 დოლარს.

2011 წლის 31 იანვრის მდგომარეობით, სახელმწიფო გარანტიის ქვეშ აღებული კრედიტების სიდიდე 3 515 000 დოლარს შეადგენს, ხოლო ევრობონდების დავალიანება - 500 მლნ დოლარს.