საქართველოში დასვენების ზამთრის სეზონი ოფიციალურად დეკემბერის შუა რიცხვებში დაიწყო. ქვეყნის სამთო-სათხილამურო კურორტები - ბაკურიანი, გუდაური და მესტია - 150 ათასი უცხოელი და 30 ათასი ადგილობრივი ტურისტის მიღებას გეგმავდნენ.

მაგრამ ეს პროგნოზები არ გამართლდა, ვინაიდან ამ რაიონებისათვის უჩვეულოდ თბილმა ზამთარმა მოთხილამურეები თოვლის გარეშე დატოვა.

აქ პირველი თოვლი მხოლოდ 2 თებერვალს წამოვიდა, მაგრამ, როგორც სასტუმროთა მფლობელები ამბობენ, ამან ვეღარ გამოასწორა ჩავარდნილი სამთო-სათხილამურო სეზონი, რადგან ტურისტთა ძირითადი ნაკადი საქართველოს ზამთრის დასვენების ცენტრებში 31 დეკემბრიდან და ძველ ახალ წლამდე ჩამოდის, იუწყება კავკასიის კვანძი.

დაახლოებით ამავე სიტუაციაშია საფრანგეთის სამთო-სათხილამურო კურორტები, წერს Pistehors.com. ექსპერტები ამ ზამთარს სათხილამურო დასვენების ისტორიაში უარესად ასახელებენ. ამჟამინდელი სეზონის მანძილზე პირენეებსა და ალპებში ძალიან ცოტა თოვლი იყო, ხოლო თებერვლის დასაწყისიდან მრავალ ადგილას, მათ შორის პოპულარულ კურორტ შამონიზე ზაფხულის ამინდია. აქ ტემპერატურა +20 გრადუსამდე ადის ცელსიუსით.