ცნობილი საბჭოთა მოჭადრაკე და რუსი ოპოზიციონერი გარი კასპაროვი თბილისში იმყოფება.  იგი ქართველ სტუდენტებს ლექციებს წაუკითხავს.

ლექციებს თემაზე „გეოპოლიტიკური გამოძახებები 21-ე საუკუნეში“ კასპაროვი 14 თებერვალს თავისუფალ უნივერსიტეტში, ხოლო 15-ში - ევროპის სახლში წაიკითხავს.

5 დღიანი ვიზიტის ფარგლებში იგი ასევე შეხვდება საქართველოს ჭადრაკის ფედერაციის წარმომადგენლებს.

„მე ძალიან გამიხარდა, როდესაც დამპატიჟეს და სიამოვნებით დავთანხმდი. რაც შეეხებ იმას, თუ რას იფიქრებს კრემლი, დიდი ხანია, აღარ მაღელვებს. მე ძალიან მიყვარს თქვენი ქვეყანა, აქ ბევრი მეგობარი მყავს და არასწორი რუსული პოლიტიკის გამო არ ვაპირებ საქართველოზე უარი ვთქვა. თუ კრემლს ჩემ მიერ საქართველოში ჩამოსვლასთან დაკავშირებით რაიმე პრეტენზია აქვს, ეს მისი პრობლემაა და არა ჩემი“, - განაცხადა კასპაროვმა.