მილიარდერმა და ტელეწამყვანმა დონალდ ტრამპმა განაცხადა, რომ იგი გადაწყვეტს ივნისისთვის, მიიღებს თუ არა მონაწილეობას აშშ-ის პრეზიდენტის არჩევნებში, იუწყება “GHN“.

ხუთშაბათს იგი აშშ-ის რესპუბლიკური პარტიის პოლიტიკურ კონფერენციაზე გამოვიდა, რომელიც ამ დღეებში ვაშინგტონში ტარდება, გადმოსცემს „Газета.Ru“ Associated Press-ზე მინიშნებით.

„ამჟამად აშშ-ს მთელი მსოფლიო დასცინის“, - განაცხადა ტრამპმა, როდესაც ხსნიდა მიზეზებს იმისა, თუ რატომ ფიქრობს სერიოზულად იმაზე, მიიღოს თუ არა მონაწილეობა პრეზიდენტის არჩევნებში. მილიარდერმა გააკრიტიკა აშშ-ის ამჟამინდელი ლიდერები ოპეკთან და ჩინეთთან თანასწორად საუბრის უუნარობისათვის.