მსოფლიო ბანკი რეგულარულად ატარებს სხვადასხვა ქვეყნების სტატისტიკური პოტენციალის შეფასებას. შეფასებისას განისაზღვრება ქვეყნის ოფიციალური სტატისტიკის შესაბამისობა საერთაშორისო სტანდარტებთან და რეკომენდაციებთან სამ სფეროში: მეთოდოლოგია, ინფორმაციის წყაროები, სტატისტიკურ მონაცემთა გამოქვეყნების პერიოდულობა და დროულობა.

„საქსტატის“ შეტყობინებით, 2004-2010 წლებში საქართველოს სტატისტიკური პოტენციალის მაჩვენებელი 67-დან 94 ქულამდე გაიზარდა. საჭიროა აღინიშნოს, რომ ზრდის ეს მაჩვენებელი ყველაზე მაღალია ევროპისა და ცენტრალური აზიის განვითარებად ქვეყნებში. პოტენციალი 100 ქულიანი სისტემით ფასდება.

100 ქულა ის მაქსიმუმია, რომლის დაკმაყოფილებაც სტატისტიკურ პოტენციალს შეუძლია. საქართველოს მაჩვენებელი მნიშვნელოვნად აღემატება განვითარებადი ქვეყნების საშუალო მაჩვენებელს, რომელიც 65 ქულას შეადგენს.