ქართული საფონდო ბირჟის სავაჭრო ბრუნვამ გასული ორი თვის განმავლობაში 534.044 ლარი შეადგინა, გაიყიდა 3.361.308 აქცია და შესრულდა 248 გარიგება.

აქციების ძირითადი ბრუნვა დაკავშირებული იყო სს „ლიბერთი ბანკთან“ - ბრუნვის 99%. ფასი დაეცა ერთ აქციაზე 0.055-დან 0.035 ლარამდე. ფულის მიმოქცევაში ლიდერობდა სს „საქართველოს ბანკი“ - მთლიანი ბრუნვის 71%, 27.56% წილად ხვდა სს „ლიბერთი ბანკის“ აქციებს.

საჭიროა აღინიშნოს სს „ყაზბეგის“ აქციების ფასის მკვეთრი დაცემა - თუ ორი წლის წინ „ყაზბეგის“ აქციები ერთ აქციაზე 15 ლარის ფასად იყიდებოდა, დღეისათვის აქციებით ვაჭრობა ერთ აქციაზე 0,10 ლარით წარმოებს.