საქართველოში პურის ფასი 10 თეთრით გაძვირდა. მწარმოებლები პურის გაძვირებას ფქვილზე ფასის ზრდით ხსნიან.

ამასთან, როგორც მეოთხე პურის ქარხნის დირექტორმა მალხაზ დოლიძემ განაცხადა, არის ობიექტები, სადაც ფასები შენარჩუნდა, მაგრამ პურის წონა შემცირდა. თუმცა, დოლიძის განმარტებით, ობიექტთა უმრავლესობა პურზე ფასის ზრდით კორექტირებას აწარმოებს.

„რამდენიმე დღის წინ ჩვენმა ქარხანამ ფასები 8-10 თეთრით გაზარდა. ამის მიზეზი ფქვილზე ფასის ზრდაა“, - განაცხადა დოლიძემ. მისი თქმით, 9 თებერვალს ძირითადმა მიმწოდებელმა ქარხანას მიაწოდა ტომარა ფქვილი 52 ლარად.