კომუნალური მომსახურებების ერთიანი ადმინისტრირების ფარგლებში აბონენტები, რომელთაც კომპანია „Georgian Water&Power“-ის (GWP) მიმართ დავალიანება აქვთ, ვალის დაფარვას 36 თვის განმავლობაში შეძლებენ.

როგორც კომპანიაში აცხადებენ, ისინი კვლავ აგრძელებენ დავალიანების დაფარვის საშეღავათო აქციებს. კომპანიას ვალის დაფარვის ინდივიდიალური საშეღავათო პირობები აქვს დაწესებული.

„თბილისის მაცხოვრებლები აუცილებელი ინფორმაციის მიღებას კომპანიის რაიონულ სერვის-ცენტრებში შეძლებენ. 2011 წლისთვის დაგროვილი დავალიანების 60%-ის გადახდის შემთხვევაში, კომისია დარჩენილ თანხას ჩამოწერს“, - აცხადებენ კომპანიაში.

GWP-ში აცხადებენ, რომ 2008 წელთან შედარებით, მოსახლეობის გადახდის მაჩვენებელი გაუმჯობესდა.