მობილური კავშირის ერთ-ერთი უმსხვილესი ოპერატორის, კომპანია „ჯეოსელის“ გაყიდვები 21%-ით შემცირდა.

კომპანიის შვედური მფლობელის „ტელიასონერის“ ანგარიშში ამის მიზეზად სახელდება კავშირგაბმულობის სფეროს დაბეგვრა აქციზით და საერთაშორისო ზარების 46%-ით შემცირება.

ანგარიშის თანახმად, გასული წლის ოქტომბერ-დეკემბერში „ჯეოსელის“ გაყიდვებმა 231 შვედური კრონა შეადგინა, თუმცა, მიუხედავად ამისა, „ტელიასონერის“ გასული წელი ფასდება როგორც წარმატებული. კომპანიის ხელმძღვანელთა განცხადებით, წელიწადში „ჯეოსელის“ აბონენტთა რაოდენობა ერთნახევარი მილიონით გაიზარდა.