უამინდობისა და ძლიერი თოვის გამო დღეს დასავლეთ საქართველოში ელექტრომომარაგების გარეშე 48 707 აბონენტი დარჩა. როგორც კავკაზ-პრესს „ენერგო-პრო ჯორჯიაში“ განუცხადეს, ენერგეტიკოსთა ტექნიკური ბრიგადები საგანგებო რეჟიმში მუშაობენ.

„უხვი თოვლის გამო დაზიანდა ელექტროგადამცემი ხაზები, რამაც ხუთშაბათს ელექტროენერგიის ავარიული გათიშვა გამოიწვია“, - განაცხადა კომპანიის წარმომადგენელმა.

ენერგეტიკოსთა მონაცემებით, შუქის გარეშე გურიის რეგიონის მაცხოვრებლები რჩებიან.

კომპანია „ენერგო-პრო ჯორჯიას“ ქსელები, რომელიც ჩეხური ფირმა „ენერგო-პროს“ საკუთრება გახლავთ, საქართველოს ტერიტორიის 70%-ს მოიცავს, ქვეყნის დედაქალაქისა და კახეთის ნაწილის გარდა.

გუშინ უამინდობის გამო აჭარაში 23 ათასი აბონენტი გაითიშა, მაგრამ ოთხშაბათის საღამოსთვის მათ ელექტროენერგია ჩაერთოთ.