საქართველოს პრეზიდენტ მიხეილ სააკაშვილისა და გერმანიის კანცლერ ანგელა მერკელის შეხვედრა მიუნხენში უსაფრთხოების ყოველწლიურ კონფერენციაზე შედგება, იტყობინება „GHN“.

როგორც პრეს-სპიკერმა მანანა მანჯგალაძემ განაცხადა, ამის გარდა, სააკაშვილი შეხვედრას გეგმავს შვეიცარიის პრეზიდენტთან, ასევე დაგეგმილია სხვა შეხვედრებიც.

„სხვა ორმხრივი შეხვედრების სია ზუსტდება“, - თქვა მანჯგალაძემ.

ამასთან ერთად, მისი თქმით, ასევე მოსალოდნელია, რომ საქართველოს პრეზიდენტი სიტყვით გამოვა კონფერენციის ფარგლებში, რომელიც მიუნხენში ჩატარდება.

შეგახსენებთ, რომ უსაფრთხოების 46-ე კონფერენცია მიუნხენში 4 თებერვალს გაიხსნება. მის მუშაობაში მონაწილეობას მიიღებს 350-ზე მეტი სტუმარი.