ქართულ სადაზღვევო ბაზარზე უმსხვილესი შერწყმა მოხდა. რადიო „კომერსანტის“ ექსკლუზიური ინფორმაციის მიხედვით, ორი უმსხვილესი მოთამაშე „ირაო“ და „GPIჰოლდინგი“ გაერთიანდნენ.

ორივე კომპანიის აქციონერი გახლავთ „ვენის სადაზღვევო ჯგუფი“ და ორივე მონაწილეობს სახელმწიფო პროგრამებში.

2010 წლის ორი კვარტლის მაჩვენებლებით, „GPIჰოლდინგმა“ 31 მილიონი ლარის ოდენობის პრემია მოიზიდა, ხოლო „ირაომ“ – 28 მილიონი. ამ მაჩვენებლებით კომპანიებს ბაზარზე მესამე-მეოთხე ადგილები უკავიათ.

შეგახსენებთ, რომ ახალი წელი „ირაოსთვის“ პრობლემებით დაიწყო. კომპანიაში შევიდა საშემოსავლო სამსახურის საგამომძიებლო დეპარტამენტი და ჯერ კიდევ შეისწავლის ფინანსურ დოკუმენტაციას.