აზიის განვითარების ბანკი საქართველოს 500 მლნ დოლარს გამოუყოფს. როგორც დღევანდელ სამთავრობო სხდომაზე პრემიერ-მინისტრმა ნიკა გილაურმა განაცხადა, აღნიშნული თანხა წყალმომარაგებისა და კანალიზაციის სისტემების რეაბილიტაციას მოხმარდება.

„მოცემულ საკითხთან დაკავშირებით მოლაპარაკებები აგბ-სთან უკვე დასრულდა და 500 მლნ დოლარის ათვისება მომავალი თვეებიდან დაიწყება. თანხა რამდენიმე ტრანშად გაიყოფა. მისი საშუალებით ზოგიერთ ადგილას კანალიზაციის სისტემის რეაბილიტაცია ჩატარდება, ხოლო რამდენიმე ადგილას ახალი სისტემა აშენდება“, - განაცხადა გილაურმა.

რეგიონალური განვითარების მინისტრის რამაზ ნიკოლაიშვილის ინფორმაციით, პროექტი 1.5 წელიწადში დასრულდება. მანვე აღნიშნა, რომ პროექტი საქართველოს ყველა დიდ ქალაქსა და რაიონულ ცენტრებს მოიცავს.