| ეკონომიკა: ევროდან გაქცევა უკვე დაიწყო - ექსპერტი |  | ბიზნესი და ეკონომიკა | |
 2012 წელს ერთიანი ევროპული ვალუტის ღირებულება დაცემას გააგრძელებს, პროგნოზირებს Morgan Stanley-ისმთავარი სავალუტო სტრატეგი ჰანს რედეკერი. Handelsblatt-თან ინტერვიუში ექსპერტი ხსნის, თუ რატომ იქნება ერთიანი ევროპული ვალუტის კურსი სულ მალე 1.2 დოლარი და ურჩევს ინვესტორებს, რომელი ვალუტები უნდა შეიძინონ. ეს უკავშირდება იმას, რომ გასულ კვირას ევროპის ცენტრალურმა ბანკმა (ეცბ) ზედიზედ მეორეჯერ შეამცირა ძირითადი სააღრიცხვო განაკვეთი, აცხადებს ექსპერტი. მისი თქმით, ეს ბოლო ნაბიჯი არ არის, ვინაიდან ევროპის ქვეყნები და ბანკები რეფინანსირების არსებით მოთხოვნილებას განიცდიან.„თავდაპირველად ევროს მხარდაჭერას მთელი რიგი სპეციფიკური ფაქტორები უზრუნველყოფდა. ასე, მაგალითად, ზაფხულის ბოლომდე ევროს მსხვილ შესყიდვებს ცენტრობანკები ახორციელებდნენ. ამჟამად ეს ტალღა რამდენადმე დაეცა. პარალელურად ბანკებმა თავიანთი უცხოური გარიგებების მოცულობა შეამცირეს, რითაც ევრო სამშობლოში დააბრუნეს. ამრიგად, ეს პროცესიც ძლიერ შენელდა“, - აცხადებს რედეკერი. „ჩვენ ახალ ფაზაში შევედით, რომელიც გარისკვის სურვილის უკიდურესად ძლიერ უქონლობას აღნიშნავს. ინვესტორები იშორებენ გრძელვადიან ობლიგაციებს, აქციებსა და ოქროსაც კი და ფულს ფიქსირებული პროცენტის მქონე მოკლევადიან ქაღალდებში აბანდებენ. ვინაიდან მოთხოვნა ამგვარ ქაღალდებზე მკვეთრად გაიზარდა, ბოლო დროს ჩვენ უარყოფით შემოსავლიანობასაც კი შევეჯახეთ. ალტერნატივის სახით ინვესტორები თავიანთ ფულს, მაგალითად, დოლარში აბანდებენ. ამჟამად ჩვენ ევროდან გაქცევას ვადევნებთ თვალს, ამიტომ ევროს კურსი დოლარის მიმართ ეცემა. მაგრამ ეს ეხება ევროს კურსს სხვა მრავალი ვალუტის მიმართაც“, - აღნიშნა ექსპერტი. ამასთან, მისი თქმით, დოლარს უდიდესი ლიკვიდობა აქვს და მასზე 50-ზე მეტი ვალუტაა მიბმული. მისი თქმით, ევროპული ინსტიტუტები ევროზე ბაზირებადი კაპიტალის ბაზრის გამყარების ზომებზე უნდა შეთანხმდნენ. ამჟამად ეს ბაზარი ინვესტორთათვის საინტერესო არ არის, რადგან ევროპის პრობლემური ქვეყნების ობლიგაციების ბაზრებზე მეტისმეტად ძლიერი ვოლატილობა შეინიშნება. თუ აქ მოხერხდება მღელვარებების შეწყვეტის მიღწევა ეცბ-ის მიერ დამატებითი ფულის დაბეჭდვის დაწყების გარეშე, მაშინ ევრო ზევით ასვლას შეძლებს. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_4174.html
| |||
| განათავსა - Drakula | 21 დეკ. 2011, 18:32 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.07 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.