| საზოგადოება: აჭარაში შიდა ტურისტებს ძირითადად ზღვა, ხოლო უცხოელებს - ეკოტურიზმი იზიდავთ |  | საქართველოს ამბები | |
 აჭარაში შიდა ტურისტებს ძირითადად ზღვა, ხოლო უცხოელებს - ეკოტურიზმი იზიდავთ. ამის შესახებ ნათქვამია „აჭარაში ტურისტთა გამოკვლევაში“. გამოკვლევა „ACT გამოკვლევამ“ UNDP-ის დაკვეთით მოამზადა. გამოკვლევაში აღნიშნულია, რომ რეგიონში ტურიზმის განვითარების პროცესი საკმაოდ აქტიურად მიმდინარეობს, რაც მკვეთრად, ერთი მხრივ, ტურისტთა რაოდენობაზე, მეორე მხრივ კი, უცხოური ინვესტიციების მოცულობებზე აისახება. ასევე აღნიშნულია, რომ აჭარაში შიდა ტურისტებს ძირითადად ზღვა, ხოლო უცხოელებს - ეკოტურიზმი (მაღალმთიანი აჭარა) იზიდავთ. შესაბამისად, აჭარაში აქტიურად მიმდინარეობს ტურიზმის სხვადასხვა მიმართულებების განვითარების სამუშაოები, რათა რეგიონი ტურისტებისთვის წლის ნებისმიერ დროს იყოს მიმზიდველი.გამოკვლევის მონაცემებით, აჭარაში სექტემბერში ჩამოსულ ტურისტთა შორის ყველაზე მეტი ქალი იყო. რაც შეეხება ასაკობრივ ჯგუფებს, გარე ტურისტთა შორის აჭარას ყველაზე ხშირად სტუმრობდნენ ადამიანები 25-34 წლის ასაკში, ხოლო შიდა ტურისტთა შორის - 18-24 წლის (28%) და 24-35 წლის (24%) ასაკში. სოციალური სტატუსის მიხედვით, აჭარა ერთნაირად არის საინტერესო როგორც დაქორწინებული, ისე დაუქორწინებელი ადამიანებისათვის. გარე ტურისტთა 54 პროცენტი დაქორწინებულია, ხოლო შიდა ტურისტებს შორის 47 პროცენტი დაუქორწინებელია. ვიზიტიორთა ნახევარზე მეტი - 65% დასაქმებულია. საქმიანობის სფეროების მიხედვით, აჭარას ბიზნესმენთა მხოლოდ 1.8% სტუმრობს, ასევე მცირე პროპორციებით არიან წარმოდგენილები თვითდასაქმებულები და პენსიონერები. ტურისტთა 71.6%-ს აჭარის ღირსშესანიშნაობები, ბუნება და ლანდშაფტი იზიდავს, ხოლო ვიზიტიორთა 51.4%-ს დასვენებისა და გართობის სხვადასხვა ადგილები იზიდავს. ტურისტები აჭარას ძირითადად ოჯახის წევრებთან და მეგობრებთან ერთად სტუმრობენ. საშუალოდ, ტურისტული ჯგუფები 4 ადამიანისაგან შედგება. ტურისტთა მხოლოდ 12 პროცენტი მარტოდ მოგზაურობდა. გაჩერების ადგილად ტურისტები ძირითადად საოჯახო ტიპის სასტუმროებს, ასევე ახლობლების/ნათესავების სახლებს ირჩევენ. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_4112.html
| |||
| განათავსა - Drakula | 09 დეკ. 2011, 21:27 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.