| ეკონომიკა: საქართველო KfW-სა და აზიის განვითარების ბანკისაგან მილიონიან კრედიტებს მიიღებს |  | ბიზნესი და ეკონომიკა | |
 საქართველოს ფინანსთა სამინისტროში ხელი მოეწერა საკრედიტო შეთანხმებას დამატებითი კრედიტების გამოყოფის შესახებ ინფრასტრუქტურის გაუმჯობესების მიზნით. დოკუმენტს, რომელიც საქართველოსთვის დამატებით 4 მილიონი ევროს გამოყოფას ითვალისწინებს, ხელი მოაწერეს ფინანსთა მინისტრმა დიმიტრი გვინდაძემ და გერმანული რეკონსტრუქციის საკრედიტო ბანკის (KfW) გარემოს დაცვის ჯგუფის ხელმძღვანელმა არნე გოსმა.შეთანხმება ითვალისწინებს დამატებითი დაფინანსების გამოყოფას დასავლეთ საქართველოში იძულებით გადაადგილებული პირების საცხოვრებელი სახლების გადაუდებელ რეაბილიტაციაზე. ამ ფულით გაუმჯობესდება კანალიზაცია, წყალსადენი, ლტოლვილთა საცხოვრებელი და საყოფაცხოვრებო პირობები ფოთში, ზუგდიდში, ქუთაისსა და ბათუმში. როგორც გოსმა აღნიშნა, გერმანია უკვე დიდი ხანია, რაც საქართველოს ინფრასტრუქტურის გაუმჯობესების მიზნით რიგ პროექტებს ახორციელებს და ახლა ლტოლვილთა მდგომარეობის გასაუმჯობესლად დამატებითი სახსრების გამოყოფა გადაწყდა. „ქართულმა მხარემ დაამტკიცა, რომ ამ პროექტების წარმატებით განხორციელება შეუძლია“, - თქვა მან. ხუთშაბათს, 1 დეკემბერს კი, დიმიტრი გვინდაძემ და აზიის განვითარების ბანკის მუდმივმა წარმომადგენელმა ქეით მ. ჯულიანმა ხელი მოაწერეს საკრედიტო შეთანხმებას „ურბანული მომსახურების გაუმჯობესების საინვესტიციო პროგრამის - პროექტ-2“-ის დაფინანსების შესახებ. როგორც გვინდაძემ თქვა, ეს 40 მილიონი დოლარის ოდენობის კრედიტი საშეღავათოა და ვარაუდობს გადახდას 32 წელიწადში. საშეღავათო პერიოდი კი 8 წელს შეადგენს, რის შემდეგაც კრედიტის მიხედვით გადახდის დრო დადგება. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_4053.html
| |||
| განათავსა - Drakula | 05 დეკ. 2011, 21:53 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.07 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.