aspurcela.ge
გათბობის სისტემა, გათბობის სისტემის ონლაინ პროექტირება

ახალი ამბები › საქართველოს ამბები • მსოფლიოს ამბები • ბიზნესი და ეკონომიკა • გამოფენები, ფორუმები •
პოლიტიკა • ეკონომიკა • კულტურა • საზოგადოება • გარემო • მეცნიერება-ტექნოლოგიები • სპორტი • შოუ-ბიზნესი • კრიმინალი • ეს საინტერესოა •
 ეკონომიკა: საქართველოში ყველაზე მეტ ფულს ამერიკელი ტურისტები ხარჯავენ ბიზნესი და ეკონომიკა  ბიზნესი და ეკონომიკა 
ამერიკელმა ტურისტმა სტივენ ბრუქსმა საქართველოში 10 დღე გაატარა. ბრუქსმა და მისმა ორმა მეგობარმა მოინახულეს კახეთი, ყაზბეგი, ვარძია და სვანეთი. „მე ძალიან შემიყვარდა საქართველო, თუმცა თქვენი ქვეყნის შესახებ ცოტა რამ ვიცოდი“, - თქვა ბრუქსმა. „ჩემი მეგობარი საქართველოში ინგლისური ენის მასწავლებელია და მან თქვენთან ჩამოსვლა მირჩია“. „ძალიან მომწონს საქართველოს ბუნება, სვანეთის ულამაზესი მთები, განსაკუთრებით - უშბა. ადგილობრივი სვანური მოსახლეობა ძალიან სტუმართმოყვარეა, მაგრამ ზოგიერთი ქართული ტრადიცია უცნაური, თუმცა ეკზოტიკური მეჩვენება. მაგალითად, ქართველები ყოველთვის მათთან ერთად არყის ან ღვინის დალევასა და სადღეგრძელოს თქმას მთხოვდნენ. ყველას ვურჩევ, ეს მშვენიერი ქვეყანა ნახონ და ეს მათთვის დაუვიწყარი მოგზაურობა გახდება“.



ამერიკა იმ 10 ქვეყნის შორისაა, რომლიდანაც საქართველოში ყველაზე მეტი ხალხი ჩამოდის. ეროვნული ტურისტული სააგენტოს მონაცემებით, 2011 წლის 10 თვის განმავლობაში ამერიკიდან საქართველოში 21 000-ზე მეტი ვიზიტიორი ჩამოვიდა.


ტურიზმის ეროვნული სააგენტოს შეტყობინებით, 2011 წლის პირველი ცხრა თვის განმავლობაში ქვეყანაში სულ 2 068 147 ვიზიტიორი ჩამოვიდა, რაც წინა წლის ანალოგიური პერიოდის მაჩვენებელზე 43%-ით მეტია - 2010 წლის პირველი ცხრა თვის განმავლობაში საქართველოში 1 446 300 უცხოელი ტურისტი ჩამოვიდა.


„საქართველოსთვის, მეზობლების გარდა, მიზნობრივი ბაზარია ამერიკაც, სადაც ჩვენ სხვადასხვა მარკეტინგულ კამპანიებს ვახორციელებთ. ტურისტთა რაოდენობის გარდა, ჩვენთვის დიდი მნიშვნელობა იმ თანხებსაც აქვთ, რომლებსაც ტურისტები ჩვენს ქვეყანაში ხარჯავენ. ამერიკელი ტურისტები ჩვენთან მეტ ფულს ხარჯავენ, ვიდრე მეზობელი ქვეყნების ტურისტები. ამიტომ, ჩვენ მათ მოზიდვას დიდ ყურადღებას ვუთმობთ“, - აცხადებს ეროვნული ტურისტული სააგენტოს ხელმძღვანელის მოადგილე ბექა ჯაყელი.


„ამერიკელი ტურისტების მოსაზიდად ჩვენ ამერიკულ ტურისტულ სააგენტოებთან ვთანამშრომლობთ, ვაწყობთ მათთვის სპეციალურ ტურებს და საქართველოში ჩამოგვყავს. გარდა ამისა, ქართულ ტურსააგენტოებს ამერიკულ ბაზარზე უფრო აქტიურად მუშაობაში ვეხმარებით. ასევე აქტიურად ვმუშაობთ სარეკლამო კომპანიებთან და სწორედ უცხოური ტელეარხების საშუალებით საქართველოს ვარეკლამებთ“, - თქვა ჯაყელმა.


ჯაყელის თქმით, ამერიკელებს უფრო მეტად კულტურული და სათავგადასავლო ტურები აინტერესებთ. მრავალი ტურისტი საქართველოს რეგიონებში ქვეით ტურებს ანიჭებს უპირატესობას. ამერიკელებს შორის დიდი პოპულარულობით სარგებლობს სვანეთი, კახეთი და მცხეთა-თიანეთი.


„ინდივიდუალური ტურისტების გარდა, ორგანიზებული ჯგუფებიც ჩამოდიან“, - აღნიშნა ჯაყელმა.


წელს ეროვნულმა ტურისტულმა სააგენტომ მონაწილეობა მიიღო გამოფენაში „Miami Cruise Shipping“, რომელიც მაიამიში ტარდებოდა. სააგენტო საქართველოში საკრუიზე ტურიზმის განვითარების ხელშეწყობას გეგმავს.

„ბათუმის ნავსადგურს დიდი რაოდენობის საკრუიზე გემების მიღების შესაძლებლობა აქვს. ასე რომ, ჩვენს გეგმებში საკრუიზე ტურიზმის განვითარება შედის“, - თქვა ჯაყელმა.


ერთ-ერთი ქართული ტურ-ოპერატორი „კავკაზუს თრეველი“ აცხადებს, რომ ამერიკელ ტურისტთა რაოდენობა იზრდება.


„მეზობელი ქვეყნებიდან ტურისტები ჩვენთან ძირითადად მანქანით ჩამოდიან და ჩვენი მომსახურება არ სჭირდებათ. იმ ვიზიტიორებიდან, რომლებიც აქ საჰაერო გზით, თვითმფრინავით ჩამოდიან, ძალიან ბევრი ამერიკელია. რასაკვირველია, რაც უფრო მეტი ამერიკელი ჩამოვა საქართველოში, მით უკეთესი, მაგრამ ამ ეტაპზე ესეც საკმარისია“, - თქვა „კავკაზუს თრეველის“ მენეჯერმა.
წყარო - bizzone

გაუზიარე სხვებს:
https://www.aspurcela.ge/asp-News_-_file_-_article_-_sid_-_3957.html
განათავსა - Drakula | 21 ნოემ. 2011, 19:25 | ახალი ამბები »
 

"ეკონომიკა: საქართველოში ყველაზე მეტ ფულს ამერიკელი ტურისტები ხარჯავენ" | შესვლა/რეგისტრაცია | 0 კომენტარი
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.
კომენტარების გაკეთება შეუძლიათ მხოლოდ დარეგისტრირებულ წევრებს, რეგისტრაცია

გათბობის სისტემის პროექტირება და მონტაჟი, გაგრილება, ვენტილაცია, სანტექნიკა

სტატიის რეიტინგი
საშუალო ქულები: 0
ხმები: 0

მიეცით ხმა ამ სტატიას:

საუკეთესო
ძალიან კარგი
კარგი
საშუალო
ცუდი

მენიუ
 მთავარი გვერდი
• კომპანიები [12349] »
• ტოპ შეთავაზება [138] »
• პროდუქცია და სერვისი [4528] »
• კერძო განცხადება [105] »
• წევრი საიტზე [2590] »
 ახალი ამბებიNew content !
 რუბრიკები »
 საქართველოს ამბები »
 მსოფლიოს ამბები »
 ბიზნესი და ეკონომიკა »
 სტატიების ძებნა »
 სტატიის განთავსება »
 გამოფენები, ფორუმები »
 წევრები
 ჯგუფები »
 ჩემი კაბინეტი »
 ჩემი პროფილი »
 ჩემი შეტყობინებები »
 გამოკითხვები »
 მოდულები
 თამაშები საიტზე »New content !
 Seo ხელსაწყოები »New content !
 ფაილები და ბმულები
 გადმოწერა »
 ლინქ რეფერალები »New content !
 სხვა
 საიტის რუქა »
 ჩვენს შესახებ »
 კონტაქტი »

  • 22 თებერვალი 2025
  • English Georgian