| პოლიტიკა: იტალია ბერლუსკონის გადადგომას მოესწრო |  | მსოფლიოს ამბები | |
 იტალიის პრემიერ-მინისტრმა სილვიო ბერლუსკონიმ ქვეყნის პრეზიდენტს ჯორჯო ნაპოლიტანოს გადადგომის შესახებ თხოვნა გადასცა, რომელიც დაკმაყოფილებულ იქნა, იტყობინება „РБК“. ბერლუსკონიმ მთავრობის უფროსის თანამდებობის დატოვების დაპირება შეასრულა იმ შემთხვევაში, თუ ქვეყნის პარლამენტი ხმას მისცემს ბიუჯეტს, რომელიც ევროკავშირის მოთხოვნებს აკმაყოფილებს. ამბავს ბერლუსკონის გადადგომის შესახებ მისი ასობით მოწინააღმდეგე სიხარულით შეეგება: ისინი რომის ცენტრში შეიკრიბნენ, რათა „იტალიის გათავისუფლება“ ეზეიმათ.მანამდე პარლამენტის ქვედა პალატამ დაამტკიცა კანონი, რომელიც ქვეყანაში ეკონომიკური სიტუაციის სტაბილიზაციისკენ არის მიმართული. პარასკევს, 11 ნოემბერს, დოკუმენტმა მოწონება პარლამენტის ზედა პალატაშიც დაიმსახურა. ახალი პრემიერ-მინისტრის კანდიდატურა ჯერჯერობით უცნობია, თუმცა ბერლუსკონის შესაძლო მონაცვლე არის ყოფილი ევროკომისარი მარტიო მონტი. მონტის კანდიდატურასთან დაკავშირებული საბოლოო გადაწყვეტილება მიღებულ იქნება მისი პოლიტიკური პროგრამის შესწავლისა და ახალი მთავრობის შემადგენლობის შესახებ მოლაპარაკებების შემდეგ. სილვიო ბერლუსკონი შუალედებით იტალიის პრემიერ-მინისტრის მოვალეობებს დაახლოებით 8 წელი ასრულებდა. ამ წლების განმავლობაში ქვეყანამ 1.9 ტრლნ ევროს ოდენობის ფანტასტიკური ვალი დააგროვა, ხოლო თავად მთავრობის უფროსი სკანდალების, მათ შორის სექსუალური სკანდალების მთელი სერიით აღინიშნა. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3886.html
| |||
| განათავსა - Drakula | 13 ნოემ. 2011, 19:47 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.11 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.